रूपन्देहीको तिलोत्तमामा माइक्रो बस दुर्घटना हुँदा आठजना घाइते भएका छन्। बसमा सवार १६ जना मध्ये दुर्घटनामा ८ जना घाइते भएको प्रहरीले जनाएको छ।बुटवलदेखि भैरहवातर्फ जाँदै गरेको लु २ ख २७९२ नम्बरको माइक्रो तिलोत्तमा २ मा अनियन्त्रित भई सडकमा पल्टिएको हो ।

घाइतेमध्ये सहचालकको अवस्था मध्यम र अन्य सामान्य घाइते भएको प्रहरीले जनाएको छ।तीव्र गतिका कारण दुर्घटना भएको हुन सक्ने प्रहरीले प्रारम्भिक अनुसन्धानबाट बताएको छ।