इतिहास परियार रुकुम पश्सिम, रुकुमपश्चिमको आठबीसकोट नगरपालिका–१२ बगरस्थित तातोपानी झिन्चौर खोलामा गएराति आएको बाढीले घर बगाउँदा तीन जना बालबालिकाे मृत्यु भएकाे छ।
आठबीसकोट नगरपालिकाका प्रमुख रवि केसीका अनुसार ८ वर्षीय हितमाया पुन, ५ वर्षीया धनिसा पुन, ४ वर्षीया मनिसा सार्कीकाे पुरिएर मृत्यु भएकाे छ।
यस्तै, साे घटनामा ४० वर्षीया डिल्लीबहादुर बुढाथोकी बेपत्ता भएकी छिन्।
बाढीमा परी १० वर्षीया विजय सार्की, २२ वर्षीया अनिसा पुन, २९ वर्षीय जनक खत्री, ६५ वर्षीया मनसरी पुन, चार वर्षीया मेक्सन पुन, २० वर्षीया धनमाया पुन र ६५ वर्षीया कल्पाना कामी घाइते भएका बताए।
‘खोलामा लेदो माटोमा पुरिएका बालबालिकालाई निकाल्न सकिएको छैन। घाइतेलाई आठबीसकोट नगर अस्पताल राडीमा ल्याउने काम जारी छ। उद्धारका लागि प्रहरी र स्थानीयवासी जुटिसकेका छन्,’ नगरप्रमुख केसीले भने।
प्रतिक्रिया
सम्बन्धित खवर
