नेपाल प्रियिमर लिगमा जनकपुर बोल्ट्सले लागतार तेस्रो जित निकालेको छ। लगातार तेस्रो जित निकाल्ने क्रममा जनकपुरले पोखरा एभेन्जर्समाथि ७ विकोटको सहज जित निकाल्यो।
पहिला ब्याटिङ गर्दै पोखराले दिएको १३९ रनको मध्यम लक्ष्य पोखराले १७.१ ओभरमा ३ विकेटको क्षतिमा भेट्टायो। उसका लागि जिमी निशमले विस्फोटक ब्याटिङ गरे। उनले २० बलमा ५ छक्का प्रहार गर्दै नटआउट ४० रन बनाए।
यस्तै, लहिरु मिलन्थाले लागतार तेस्रो खेलमा ब्याटिङबाट राम्रो योगदान दिए। उनले ३२ बलमा ८ चौका प्रहार गर्दै सर्वाधिक ४५ रन बनाए। आसिफ सेखले ३३ रन बनाउँदा हर्ष थाकरले १३ रन बनाए।
बलिङमा पोखराका लागि बिपिन खत्री, माइकल लेस्क र कुशल भुर्तेलले समान १ विकेट लिए।
पहिला ब्याटिङ गरेको पोखराले ७ विकेटको क्षतिमा १३८ रन बनायो। उसका लागि मार्कस क्रिस्च्लीले ३० बलमा ३ चौका र १ छक्का प्रहार गर्दै ३५ रन बनाउँदा माइकल लेस्कले ३ बलमा ३ छक्का मद्दतमा २५ रन बनाए। आन्द्रियस गोसले १६ बलमा २०, रेमन रेइफरले १७, दिलप नाथले ११ र दिनेश खरेलले १० रनको योगदान दिए।
पोखरालाई सस्तैमा रोक्ने क्रममा जनकपुरका ललित राजवंशीले ४ ओभरमा ३१ रन खर्चेर ३ विकेट लिए। यस्तै, जिमी निशम २ विकेट लिए।
