एनएच लायन्स क्लबले ओहायोमा हुने भलिबल प्रतियोगिता खेल्ने भएको छ।
नेपाली-भाषी चर्चहरूको साझा संस्था बीएनसीएले आयोजना गर्न लागेको बि.एन.सि.ए. कप भलिबल प्रतियोगितामा सहभागी हुन लायन्स क्लबलाई प्रदीप कार्कीले प्रायोजन गर्ने छन्।

नोभेम्बर २९ र ३० मा ओहायोको ५५२४ एन ह्यामिल्टन रोड, कोलम्बस, ओएच ४३२३०मा हुने प्रतियोगितामा लायन्सको नेतृत्व मेग भट्टराईले गर्ने छन्। टिमका अन्य सदस्यमा निमा घिसिङ, दिल गुरुङ, गोपाल बटला, दिनेश राई, मिलन सुन्दास, संजु महरा, र संजय सुन्दास छन्। प्रतियोगिताका लागि अहिलेसम्म २१ टिमले नाम दर्ता गराइसकेको बताइएको छ।

अमेरिकामा रहेको नेपाली समुदायको लागि एक महत्वपूर्ण योगदान गरिरहेका कार्कीले अन्य विभिन्न कायर्मक्रममा सहयोग गर्दै आएका छन्। नेपाली समूदायलाई सहयोग गर्नकै लागि आफूले एनएच लायन्स क्लबलाई स्पोन्सर गरेको उनले बताए।

‘नेपाली समुदायको लागि यो कार्यक्रममा एनएच लायन्स टिमलाइ स्पोन्सर गर्ने निर्णय गरेको छु । मैले आशा गर्दछु कि यो कार्यक्रम नेपाली समुदायको लागि एक महत्वपूर्ण अवसर हुनेछ,’ उनले भने।