काठमाडौँ – गायिका कमला घिमिरे अब फिल्ममा अभिनय गर्ने भएकी छन्। निर्माण पक्षसँग सम्झौता गरिसकेकी उनी सार्वजनिक भएको फर्स्ट लुक मै देखिएकी छिन् । पोस्टरमा कमलालाई मन्द मुस्कानमा देखाइएको छ । उनको पृष्ठभूमिमा एक महिलाले केही काम गरिरहेको देख्न सकिन्छ ।यसअघि फिल्ममा अभिनेत्री प्रियंका कार्की र करिश्मा मानन्धर पनि भित्रिएका छन्। निर्देशक बलामीका अनुसार फिल्म सत्य घटनामा आधारित महिलाको कथामा बन्नेछ। रुना इन्टरटेन्ट्मेन्टको ब्यानरमा बन्ने यो फिल्मको निर्देशन बाबू साहेब बलामीको रहनेछ । निर्देशक बलामीका अनुसार सत्य घटनामा आधारित हुने यो फिल्ममा महिलाले भोग्ने पीडा देखाइनेछ । यही असार अन्तिमबाट छायांकन हुने फिल्म मकवानपुरको वीरखर्ग, कुलेखानी, काठमाडौं र दुबईमा छायांकन गरिनेछ। फिल्ममा निर्देशक बलामीको ‘कन्सेप्ट’, शंकर अधिकारी ‘घायल’को गीत, पटकथा तथा संवाद र राजेन्द्र बजगाईंको संगीत रहनेछ।
