काठमाडौं, साउन ८ —
लोकप्रिय गायिका रचना रिमाल साङ्गीतिक कार्यक्रमको लागि पहिलो पटक युनाइटेड किंगडम (UK) प्रस्थान गर्दैछिन्। यद्यपि उनी यसअघि अमेरिका (USA) लगायतका विभिन्न देशहरूमा प्रस्तुति दिइसकेकी छन्, युके यात्रा भने उनको लागि नयाँ गन्तव्य हो।

सामाजिक सञ्जालमार्फत उनले लेखेकी छिन्:
“साङ्गितिक कार्यक्रमको लागि पहिलो पटक युके प्रस्थान गर्दै छु। यहाँहरुको माया र आशिर्वाद पाईरहन सकुँ।

लोक तथा आधुनिक गीतमा उस्तै सफलता हात पारिसकेकी रचना रिमालका थुप्रै गीतहरू नेपाली संगीतप्रेमीको हृदयमा बसिसकेका छन्। युकेमा रहेका नेपाली दर्शकहरूले उनको आगमनलाई लिएर सामाजिक सञ्जालमा उत्साह व्यक्त गरेका छन्।

रिमालको यो युके डेब्यु यात्रा भए पनि अन्तर्राष्ट्रिय स्तरमा उनले पहिले नै पहिचान बनाइसकेकी छिन्।