बिनोद बटाला सम्वाददाता रुकुम पश्चिमको आठबिसकोट नगरपालिका–११ रिठ्ठामा यात्रु बस दुर्घटना भएको छ। काठमाडौंकबाट रुकुम पश्चिमको आठबिसकोट नगरपालिकाको राडी जाँदै गरेको यात्रु बस शनिबार रिठ्ठामा दुर्घटनामा परेको हो।
बटालियन यातायात प्रालिद्वारा संचालित प्रदेश ३–०१००५ख ९९६६ नम्बरको बस शनिबार दिउँसो सडकबाट करिब ५० मिटर तल खसेको प्रहरीले जनाएको छ।
दुर्घटनामा बसमा सवार ९ जना यात्रु समान्य घाइते भएका छन्। उनीहरुलाई उपचारका लागि आठबिसकोट नगर अस्पताल राडी लागिएको प्रहरीले जनाएको छ।
दुर्घटनामा घाइते हुनेमा धादिङ खाग्री गाउँपालिका–१ का ३१ वर्षीय चालक खड्कबहादुर तामाङ, सोही गाउँपालिका–६ का २८ वर्षीय भीमबहादुर भुलन, रुकुम पश्चिमको आठबिसकोट–९ का ३१ वर्षीय प्रकाश गौतम, दोलखा भिमेश्वर नगरपालिका–७ का २६ वर्षीय प्रकाश मगराठी छन्।
यस्तै, आठबिसकोट–११ का १७ वर्षीय गणेश रसाइली, जाजरकोट नलगाड नगरपालिका–८ का ४५ वर्षिया भीमकुमारी चँदारा, उनका १० वर्षीय छोरा मानबहादुर चँदारा, मोरङ खेरुवा नगरपालिका–५ का २८ वर्षीय आकाश काफ्ने र जाजरकोट नलगाड–१२ की २५ वर्षिया किसङकुमारी विक पनि घाइते भएका छन्।
